Este curso no noso centro decidimos apostar pola versión 2.0 do tradicional caderno viaxeiro ou caderno de comunicación.
.jpg)
Esta experiencia é con alumnado con TEL pero válida para todas e todos, en especial aquelas ou aqueles que presentan dificultades na comunicación (discapacidade auditiva, motórica, intelectual, TXD, integración tardía, ...).
No noso caso contamos coa implicación e colaboración da familia á hora de mercar a tableta o que facilita e facilitará a intervención ao longo da escolaridade. O recurso para o centro está solicitado á Consellería de Educación dende outubro de 2014 e aínda se atopa en fase de tramitación.
Que empregamos?
- Unha tableta (Android ou iOS). Neste caso Android por ser máis económica e con USB OTG.
- Evernote. Versión gratuíta en Android e iOS.
Por que Evernote?
- Inmediatez a través da cámara da tableta para facer fotografías e gravar video. Principal vantaxe desta versión 2.0.
- Gravación de audio.
- Incluír pdf, word, imaxes, ...
- Texto; fundamental como elemento de unión. Posibilidade de escribir con teclado, a man alzada ou cun stylus pen.
- Secuencia temporal en formato diario.
- Comunicación bidireccional.
- Multiplataforma.
- Traballo na nube.
Na práctica?
Tanto na escola como na familia usamos a tableta partindo do centro de interese diario. Como un caderno viaxeiro ou de comunicación tradicional pero con extras.
Que viaxa na tableta?
Aporta
- Gravacións en video, audio e fotografía de momentos escolares (metodoloxía, actividades, proceso, progreso, ...) e familiares (actividades extraescolares, vacacións, visitas, excusións, celebracións, ...)
- Orientacións en soporte dixital (pdf, words, páxinas web, apps, ...).
- Horario con apoio de pictogramas.
- Lecturas e cancións adaptadas.
Aporta
- Feedback.
- Colaboración e implicación.
- Coñecemento mutuo.
Ter en conta
- Hai que xestionar o nivel de ansiedade na familia. Feedback inmediato = aumento da esixencia e das expectativas. A prioridade debe ser a estabilidade e o benestar emocional do alumnado.
- Medir os tempos. Control do proceso. Definir espazos. Escola e familia precísanse mutuamente.
- A intervención só ten éxito cando TODO (familia, escola e os especialistas) funciona.