As 8 alternativas que che farán esquecer o nome de'
Galifornia'.
Faro de Vigo
Unha enquisa lanzada nas redes sociais renova o termo usado
para falar de Galicia no verán. Miguel
'O Hematocrítico', o profesor de eduación infantil que se
fixo famoso nas redes sociais polo seu humor e comentarios sobre os programas
de televisión iniciou hai uns días na súa conta de Twitter unha
campaña para que o termo Galifornia -a palabra que usamos para
falar do verán en Galicia- pase a mellor historia.
Case 900 retuits e 1,300 'gústame' na rede dos 140 caracteres reaccionarion a unha publicación que incluía unha lista de cinco propostas que terminou en oito ao incluír algunhas das suxestións realizadas entre os 113.000 seguidores que o profesor galego ten nesta plataforma. Esta foi a lista final que se someteu a votación popular:
As Galeares
Galibizia
Formenterriña
Hawai que roelo
Acapulpo
A Costa Bravú
A Costiña
Punta Cañita Brava
A curiosa enquisa proposta por O Hematocrítico tivo
tamén o seu percorrido na súa páxina de Facebook xa que chegou
a compartir un centenar de veces. Unha vez pechadas as votacións e realizado o
escrutinio, foi o termo Acapulpo o que levou as
honras e mesmo o deseño dun logotipo que moitos desexan xa que se
imprima nunha camiseta.