Nace a nova Biblioteca Escolar Dixital (BED) da CITA. E
faino, primeiro, coa pretensión de ser unha ferramenta útil e eficaz para todas
as persoas interesadas no uso e a incorporación das TIC na educación, e,
segundo, coa seguridade que dá fusionar dous servizos da CITA moi coñecidos
polos expertos desde hai varios anos: a Biblioteca Escolar Dixital, un completo
catálogo de obxectos dixitais de educación organizados por niveis educativos e
materias, e o Centro de Coñecemento das TIC aplicadas á Educación, completo
portal con informes, artigos, investigacións, boas prácticas e actualidade en
torno ao uso educativo da tecnoloxía.
Desde un punto de vista organizativo, a BED está estruturada en bloques de
contido que facilitan a procura de información:
Obxectos Educativos. Catalogo de obxectos dixitais educativos
organizados por niveis, cursos e materias.
Centro de Coñecemento. Nesta sección poderanse atopar informes,
investigacións, artigos, bibliografía e reseñas bibliográficas
Boas prácticas. Unha completa selección das mellores experiencias de utilización de TIC
nas aulas.
Recursos. Con enlaces de interese, ferramentas web, apps...
Actualidade. As últimas noticias e os últimos eventos para estar ao día.
Debates. Unha sección onde se abrirán foros de discusión ao redor de temas de
actualidade do mundo educativo.