Trivihal positivo, xogo online para a prevención do VIH



Infocop


A Fundación de Educación para a Saúde (FUNDADEPS) do Hospital Clínico San Carlos, co apoio do Plan Nacional sobre a Sida (MSSSI), puxo en marcha un xogo online (Trivihal positivo), cuxo obxectivo é a prevención do VIH, así como reducir o estigma e a discriminación das persoas con VIH positivo.

O xogo aseméllase ao formato de preguntas e respostas do trivial, de tal maneira que o xogador pon a proba os seus coñecementos previos sobre medidas de protección e de risco fronte ao VIH, así como outras cuestións relacionadas: tratamento, prevención, incidencia, etc., recibindo un feedback da súa resposta e unha breve explicación aclaratoria. Os xogadores teñen a opción de avaliar o seu coñecemento  en 7 áreas diferentes: homes que teñen sexo con homes, persoas que se inxectan drogas, persoas que exercen a prostitución, mulleres e homes VIH positivos, persoas privadas de liberdade, inmigrantes en risco de exclusión e mozas en risco de exclusión.

Desta maneira, o xogo pretende servir de plataforma para a psicoeducación tanto da poboación xeral como das persoas que presentan VIH positivo, mediante un formato lúdico e amigable e a utilización das novas tecnoloxías.

A demais do xogo, a plataforma proporciona numerosos materiais como guías, informes ou documentos técnicos que conteñen información sobre prevención e atención a persoas VIH positivo, agrupándoos en cada unha das áreas ou colectivos anteriormente mencionados, así como enlaces webs a outras organizacións e proxectos para profundar sobre os temas tratados ou para buscar axuda en caso necesario.


TRIVIHAL Positivo

Seguinte
« Prev Post
Anterior
Next Post »