Como complemento ou alternativa a Webex da Xunta de Galicia
cedec
Que podemos facer con Jitsi?
Jitsi ofrece múltiples
potencialidades de uso no ámbito educativo, desde opcións en comunicación con
outros docentes (reunións de equipos educativos, coordinación de equipos
directivo e outros órganos colexiados no ámbito da organización escolar) e cos
alumnos, ofrecendo a posibilidade de impartir clases virtuais, tan importantes
e necesarias nestes días de confinamento con motivo do COVID-19.
Entre outros aspectos destacamos:
Establecer
unha sesión de videoconferencia cun grupo identificado.
Gravar a
sesión.
Ver a todos os
participantes na reunión.
Compartir
calquera contido de calquera participante co resto (toda a pantalla, unha
aplicación en concreto ou, mesmo, unha única pestana do navegador).
Posibilidade
de utilizar un Chat entre os participantes.
Solicitar a
quenda de palabra levantando a man.
Interesante
tamén a opción de compartir un vídeo desde Youtube e velo simultaneamente
varias persoas, para poder establecer análises ou debate posterior.
Poder
silenciar a quen se incorpora e mesmo a todos os participantes ao mesmo tempo
mentres o profesor ou un estudante intervén.
Posibilidade
de configurar a calidade da imaxe, alta/media/baixa, ou só audio para garantir
a continuidade da sesión, en caso de baixo ancho de banda na conexión.
Como funciona? Teño que instalar
algo? Como podo realizar a miña primeira reunión?
O mellor de todo é que non tes
que instalar absolutamente nada. Con apenas uns clics podes comezar a túa
reunión telemática con Jitsi .
A secuencia de pasos sería:
Teclea no teu
navegador a dirección: https://meet.jit.si
Teclea o nome
da sala que desexas crear. (Suxestión: ao crear nome da sala (recomendo
nome específico, non demasiado curto e non habitual). Por exemplo, 《inicialescola》 《curso/grupo 》 《palabra especial》,
e mesmo entrar ti antes de que comece a reunión á sala e establecer
contrasinal).
Pulsar o botón
ir… e xa estás dentro.
Copia a
dirección, debe ser do tipo: https://meet.jit.si/<NOMEE
DA SALA> e compartela vía correo electrónico, plataforma ou
mensaxería instantánea cos participantes, ou mesmo engádea ao teu calendario.
Nesta presentación
compartimos unhas indicacións
para dar os teus primeiros pasos e organizar reunións telemáticas eficaces con
Jitsi .
Aínda que o seu uso é sinxelo e
moi intuitivo, abonda con que crees unha sala e practiques na túa contorna
próxima antes de ter a túa primeira reunión con colegas ou estudantes,
compartimos o seguinte tutorial, que detalla unha a unha as principais
funcionalidades.
Guía
de utilización básica de JITSI para videoconferencia para docentes,
elaborada pola Delegación da Reitora para a Universidade Dixital da
Universidade de Granada.