El sonido de la hierba al crecer

A Confederación Autismo España publicou un informe sobre os atos do alumnado xeral non universitario con trastorno do espectro do autismo onde se fala deste incremento enorme.

O alumnado autista representa xa o 28,1% e é o máis numeroso do total do alumnado con necesidades específicas de apoio educativo, tal e como se deprende da análise realizada por Autismo España dos datos do Ministerio de Educación e Formación Profesional relativos ao alumnado escolarizado en Réxime Xeral correspondente ao curso 2021-2022. Séguelle o alumnado con discapacidade intelectual (26,9%) e con trastornos graves da conduta (21,7%). 

69.002 alumnos/as con autismo (57.104 nenos e 8.898 nenas) cursan na actualidade os ensinos non universitarios establecidas no sistema educativo español, o que supón o 0,84% do total do alumnado. 

O número de estudantes con autismo seguiu aumentando por undécimo ano consecutivo. Desde o curso 2011-12, o alumnado con TEA experimentou un incremento total do 262%. 

No último curso, o número de estudantes con autismo creceu un 14,63% (8.804 persoas). Destácase ademais por primeira vez un incremento porcentual máis elevado de nenas (21,09%) que de nenos (13,36%). 

A maioría, máis do 84%, cursa os seus estudos na modalidade integrada (ordinaria), e concéntrase en centros públicos en maior medida que na modalidade de educación especial.