Un estudo conclúe que os nenos que reciben
unha boa formación ao empezar primaria obteñen mellores resultados académicos
cando son adolescentes.
La Vanguardia
“O bo mestre fai que o mal estudante se convirta en bo e o bo estudante en superior”, dicía a revolucionaria
educadora estadounidense Marva Collins. Incentivar ao alumno é básico para
motivarlle a aprender. E cal é a mellor fórmula para incentivarlles? Pois
segundo a Universidade de Durham, non hai mellor fórmula que pór aos mellores
profesores no primeiro curso de primaria.
Os investigadores descubriron que
os nenos aos que se lles ensina ben no seu primeiro ano logran mellores
resultados en inglés e matemáticas no Certificado Xeral de Educación Secundaria
(GCSE), unha serie de exames que realizan todos os nenos de entre 14 e 16 anos
de Gales, Inglaterra e Irlanda do Norte.
O estudo, publicado na revista
School Effectiveness and School Improvement , analizou os resultados de 40.000
nenos ingleses e proporcionou evidencias de que o pulo no desenvolvemento
desde o inicio da educación primaria permanece cos nenos até o final da escuela
obrigatoria, aos 16 anos.
Os expertos mediron a progresión
temperá en lectura e matemáticas dos nenos ao comezo da escola primaria (que en
Inglaterra comeza entre os 4 e os 5 anos) cun sistema de avaliación coñecido
como Indicadores de rendemento nas escolas primarias (PIPS). Foron avaliados de
novo ao final dese primeiro curso e outras tres veces, aos 7, 11 e 16 anos.
Ao valorar aos pequenos ao comezo
e ao final de primeiro, o equipo de Durham puido identificar as clases nas que
os pequenos lograron un progreso significativamente maior que a media. Logo
seguiu controlando aos menores a través dos cursos para analizar o impacto a
longo prazo.
Os investigadores tiveron en
conta unha serie de factores sociais e económicos que poderían sesgar os
resultados, incluída a idade dos nenos, o comezo da escola, o sexo, a etnia, as
necesidades especiais, o inglés como idioma adicional, a privación e o nivel da
escola/clase.
O traballo conclúe que o primeiro
ano de escola presenta unha oportunidade de impactar positivamente nos
resultados académicos a longo prazo dos nenos. “O ensino de boa calidade nesta
fase da carreira escolar dun neno parece ter beneficios duradeiros”, asegura o
profesor Peter Tymms, director do estudo.
”As melloras conseguidos en
niveis máis avanzados tamén tiveron beneficios a longo prazo, pero non tan
grandes como os vistos no primeiro ano de escola”, engade. Por iso cre básico
que a administración se expoña un novo “enfoque” para recolocar “aos mestres de
alta calidade para garantir que todos os nenos experimenten un primeiro curso
efectivo”.
O ensino de boa calidade nesta
fase da carreira escolar dun neno parece ter beneficios duradeiros.
O equipo da Universidade de
Durham tamén abordou si as escolas máis eficaces podían reducir a fenda nos
logros observada entre os nenos de familias acomodadas e pobres. Ao analizar os
datos sobre a orixe de cada neno e comparalos cos logros na escola, os
investigadores concluíron que non había evidencia significativa“ de que os
centros educativos en Inglaterra conseguisen estrechar o baleiro entre os
pequenos.
Esta diferenza de clase segue
sendo, din os expertos, un problema persistente non só en Inglaterra, senón
tamén en moitos outros países. “As interaccións dos factores relacionados coa
contorna e o fogar do neno están, en gran medida, máis aló da influencia
directa das escolas. Este é un problema difícil de superar”, apunta Tymms.
Nin as escolas máis eficaces
puideron reducir a fenda entre os nenos de familias acomodadas e pobres.